Intercambio de postais

Ola nenos e nenas!!
Estamos encantados con vos! Houbo moitísima participación e neste video podedes ver os resultados

Próximamente

Ola amiguiñ@s 

O 14 de decembro espéranos unha aventura espectacular. Imos recibir a visita do autor de Nube branca quere ser astronauta, Pablo Nogueira. 

Esperamos que os nenos e nenas de infantil desfruten moito coa súa visita.

Po e Rinho

Xa estamos pensando no Nadal!

Ola amigos e amigas!

O Nadal xa está aí e... Para celebralo... Temos unha actividade para vós!

Que vos parece se facemos postais de Nadal?? Sabémolo: "Jo, que rollo", "Isto é o de sempre"

Pode ser pero propoñémosvos facer unha postal que despois se vai trocar cun compañeiro o compañeira doutra clase. Agora xa máis, non?

Animádevos a participar! Só necesitades unha cartolina A4 dobraba á metade e a vosa imaxinación. Tamén podedes pasar pola biblioteca e recoller unha para decorar na casa.

Veña! Tedes ata o 30 de novembro!

Po & Rinho

Visita de Francisco Álvarez "Koki"

Os nenos e nenas de primaria recibiron con moita alegría e agarimo a visita de Koki, un escritor de A Guarda.

Leron parte da súa historia, fixéronlle preguntas e coñecéronno un pouco máis.

Moitas grazas pola túa visita!

Eu leo en...

RESULTADO DO MURAL

Amiguiñ@s!! Moitas grazas pola vosa colaboración. Así quedou a parede da biblioteca coas voas fotos. Animádevos a vir a velas!

Po e Rinho

Actividade! Eu leo en... E ti?

Eu leo en…

E ti?

Ola amiguiños e amiguiñas!

Somos Po e Rinho, os gardiáns da biblioteca Xoferlo. Para iniciar o curso con bo pé e celebrar o día das bibliotecas escolar (24 de outubro), invitámosvos a participar na actividade “Eu leo en…e ti?

É moi fácil! Só tedes que traer da casa unha fotografía, como máximo medio folio de tamaño, onde saias lendo no teu espazo preferido (a cama, o sofá, a túa zona de estudo)

Despois xa nos ocupamos nós e faremos un mural para mostrar as vosas imaxes a todo o mundo. Participa! Só levarache un par de minutos e con esa imaxe coñeceremos un pouco máis de ti!

Firmado.

Po e Rinho

Benvido outubro

Xa estamos de volta! Coas pilas cargadas e cunha morea de ideas para facer en Biblioxoferlo?

Estades preparados para comezar esta aventura? Nós pensamos que si. Esperámosvos na biblioteca do centro!!!

Po & Rinho

Pechamos biblioxoferlo

Ola amiguiños!

Sentimos dar malas noticias pero chegou a hora de pechar Biblioxoferlo. Pero non vos preocupedes. Para o vindeiro curso volveremos cargados de boas noticias, historias e actividades.

Pasade bo verán!!!

Po & Rinho

Visita Paula Carballeira

Ola amigos!

Sabedes que estivo de visita no noso cole??

Paula Carballeira!!!

Todos os nenos estaban emocionadísimos coa súa visita e o seu conto "Bruxa e familia"

Esperamos que volva pronto a contarnos máis historias! Grazas por vir!!!

Po & Rinho

Kamishibai

Ola Amiguiños!

Os nosos compañeiros e compañeiros de segundo e sexto de primaria prepararon varias historias para contarllas aos nenos de todo o centro.

Neste video podedes ver como o pasaron os máis cativos do cole.

Esperamos que vos guste!

Po & Rinho

Visita Xavier Estévez Ferreiro, autor de "Kibuko"

Veunos a visitar Xavier Estévez Ferreiro, o autor de Kibuko, un dos libros que leron os nosos amigos e amigas de Primaria.

Pasárono moi ben coa súa compañía. Moitas grazas Xavier por facer felices aos nosos lectores!

FDO. Po e Rinho

Contacontos Olga Cuervo

Tivemos a gran sorte de coñecer a Olga Cuervo! Unha grandísima contacontos! Os nenos e nenas de infantil quedaron encantados coa súa actuación.

Esperamos volver a vela moi pronto!

FDO. Po e Rinho

Sección temáticas das letras galegas

Ademais do mural Pop-Art de María Victoria Moreno preparamos un estante para a sección temáticas das letras galegas con libros desta autora e outros contos.

Esperamos que vos gusten!

FDO. Po e Rinho

Letras galegas 2018

Este ano, María Victoria Moreno é a homenaxeada polo día das Letras Galegas. Falemos un pouco dela...

Naceu na provincia de Cáceres e foi unha escritoria de literatura xuvenil e infantil en lingua galega e profesora de ensinanza secundaria en Lugo, Sanxenxo e Pontevedra. Utilizou o pseudónimo de Peregrina Pérez.

Encantáballe Galicia e a súa lingua, por iso, entregouse á defensa e promoción do galego: "A miña relación con Galicia e a miña opción pola súa lingua é simplemente unha historia de amor"

Morreu en Pontevedra, vítima dun cancro de mama.

No cole fixemos unha pequena actividade onde as nenos e nenas pintarían coa técnica do Pop-art a imaxe de María Victoria. A verdade é que quedou moi ben!!!

Moitas grazas pola vosa colaboración lectores!!!

FDO. Po e Rhino

Que será, será?

Alguén sabe que pode ser isto???

Próximamente...

.... en BiblioXoFerLo

Fdo. Po e Rinho

Premiados do concurso de mascotas

Xa temos os gañadores do concurso de mascotas!!!

Moitas grazas a todos os participantes que colaborastes na creación dunha mascota para a biblioteca escolar.

Seleccionamos a tres premiados en Educación Infantil e outros tres en Educación Primaria:

EDUCACIÓN INFANTIL:

1º premio: Nico da clase de 4 anos

2º premio: Xabi da clase de 4 anos

3º premio: Iago da clase de 3 anos

EDUCACIÓN PRIMARIA:

1º premio: Nicolás de sexto

2º premio: Natalia de sexto

3º premio: Iker de sexto

Presentamos as nosas mascotas de Biblioxoferlo!!!

Xa temos os debuxos de todos os participantes do concurso

Moitas grazas pola vosa colaboración. Polo día do libro saberedes quen foi o gañador ou gañadora do concurso de mascota da biblioteca escolar.

Moita sorte a tod@s!!!

Contacontos Sabela Gago

Tivemos a visita dunha gran artista!!

Sabela Gago!!!

Pasámolo en grande escoitando as súas aventuras e contos. Esperamos que volva moi pronto.

Moitas grazas pola túa visita!

Lectura compartida 3 anos e 2º de primaria

Ola lectores!!

Estades moi animados cos contos, verdade?? Aquí vos deixo as fotos que sacamos o día que fixemos a lectura compartida entre a clase de 3 anos e a clase de 2º de primaria.

Pasástelo moi ben!!! A seguir así rapaces!!

Unha aperta moi grande